社創基金設支援平台 林鄭幫手賣廣告

社企優惠資訊

2015-04-22 明報 A18 社創基金設支援平台 林鄭幫手賣廣告

社會服務聯會( 社聯) 噚日正式開展名為「Impact Incubator」嘅一站式支援平台,未來3 年目標資助約70 個社企創新項目。政務司長林鄭月娥噚日出席開展禮時就大賣廣告,話基金申請資格不限於非牟利機構,只要有創新思維、可以帶來社會效益,社創基金都無任歡迎。

目標資助70 項目每個最多10 萬元政府上年12 月委社聯成為社創基金協辦機構之一。社創基金專責小組主席、教院校長張仁良話,香港不乏解決社會問題嘅「有心人」,希望可以透過計劃提升佢哋營商同創新能力。只要你年滿18 歲,手上有一個解決貧窮或推動社會創新計劃,項目最長實施期為1 年,就可以個人或本地註冊公司及團體名義申請計劃,社創基金最高資助10 萬元。

社聯主席陳智思形容Impact Incubator 係社聯推動社企及社會創新嘅里程碑,社企係實行社會創新嘅營運模式,今年錄得有527 個社企單位,按年增約一成半,數字較2007 年時增長逾1 倍。

新聞來源: 
明報
下載檔案: